Thursday, November 24, 2016

የኤርሚያስ ለገሰ "ልቃቂት"


ኤርሚያስ ለገሰ ቀደም ሲል "የመለስ ትሩፋቶች" የሚል መፅሃፍ አስነብቦን ነበር። አሁን ደግሞ "የመለስ ልቃቂቶች" የሚል ደገመ። ሰሞኑን መፅሃፉን ጓደኞች ገዝተው ልከውልኝ በሁለት ሌሊት ጨረስኩት። ስጨርስ መገረሜን አልደብቅም። ህወሃት የተባለውን ድርጅት የማውቀው ይመስለኝ ነበር። "ልቃቂት"ን አንብቤ ከጨረስኩ በሁዋላ በፍፁም ህወሃትን ጠልቄ እንደማላውቅ ተረዳሁ። ኤርሚያስ ያለ ፍርሃት፤ ያለመደባበቅ የሚያውቀውን ለመፃፍ በመወሰኑ ሊደነቅም ሊመሰገንም ይገባዋል። ህወሃትን መኮነን ብቻ ሳይሆን ከነርሱ ጋር በነበረው የስራ ዘመን ለርሱ የተደረገለትን ማባበያ ጭምር በግልፅነት ፅፏል።

Tuesday, October 4, 2016

ቢሊሱማ በነፃ አይገኝም

ከተስፋዬ ገብረአብ (Gadaa)      
         
          የሰው ልጅ ይወለዳል፤ እንደ ዛፍ አርጅቶ ይሞታል። ስርአትም እንዲሁ፤ የተፈጥሮ ህግ ነው። ከመቶ አመታት በሁዋላ በህይወት የለንም። ሌሎች ግን ይኖራሉ። ታሪክ ብቻ ይቀራል። ጥይት ቢስተን ባይሎጂ አይስተንም። መስዋእትነት ሲከፈል ተተኪው ነፃነት መውረሱ አይቀርም። በቢሾፍቱ ከተማ፣ በሆራ አርሰዲ ደረት ላይ፤ በአድአ ጥቁር ሁዳድ - የተሰዋችሁ የኦሮሞ ልጆች - እንኳን ደስ ያላችሁ!! ታሪክ ሰርታችሁ - ታሪክ ሆናችሁዋል!!

Monday, September 19, 2016

ዩሱፍ ያሲን ሲቀልድ

        ሰሞኑን ዩሱፍ ያሲን የተባለ ኤርትሮ - ኢትዮጵያዊ ያሳተመውን መፅሃፍ አንብቤ ጨረስኩ። ድሮ በብእር ስም ጦቢያ መፅሄት ላይ ሲፅፍ አድናቂው ነበርኩ። "አሰባሳቢ ማንነት በአንድ አገር ልጅነት" ብዙ ጠቃሚ አሳቦችና መረጃዎችን ያቀፈ ድንቅ መፅሃፍ ቢሆንም፤ አፃፃፉ ወገብ ያጎብጣል። ፅሁፉ ደቃቅ ስለሆነ አይን ያሳምማል። ዞረም ቀረ መፅሃፉ ከነሙሉ ችግሩ የተከበረ መፅሃፍ ነው። ኖርዌጅያዊው የዙላ ከተማ ተወላጅ ጥሩ ፀሃፊ መሆኑን መካድ አይቻልም። የዩሱፍ ያሲንን መፅሃፍ ሳነብ በመካከሉ በሳቅ ፈነዳሁ። ዩሱፍ በአንድ መስመር የገለፃትን ቀልድ እኔ እንዲህ አቅርቤላችሁዋለሁ።